Amerika qo‘shinlari Kobul aeroportini tark eta boshladi

Pentagon AQSh harbiylari Kobul aeroportini tark etishni boshlaganini ma'lum qildi.

Mudofaa vazirligi matbuot kotibi Jon Kirbining ma'lum qilishicha, ular hozirda qurilma va jihozlarni tashimoqda.

U Afg‘oniston poytaxtida hozirda necha nafar AQSh harbiysi borligiga aniqlik kiritmadi.

Kirbining so‘zlariga ko‘ra, harbiylar hali ham Kobul aeroportini nazorat qilmoqda, bu jarayonga «Tolibon» vakillari jalb etilmagan.

«Biz aeroportni missiya yakunlanguniga qadar boshqarmoqchimiz», — dedi general Henk Teylor.

Vashington Afg‘onistondagi qo‘shinlarni 11 sentyabrgacha olib chiqib ketishni rejalashtirgan.