Maktablarda o‘quv yili to‘liq an'anaviy shaklda boshlanadi 

Xalq ta'limi vazirligi 6 sentyabrdan darslar to‘liq an'anaviy tarzda boshlanishini ma'lum qildi. 

Vazirlik ma'lumotiga ko‘ra, faqat quyidagi holatlar bolani vaqtincha ta'lim jarayoniga masofadan jalb etilishiga sabab bo‘lishi mumkin: 

• o‘zi yoki oila a'zolaridan biri COVID bo‘lib vaqtincha davolanishda bo‘lgan o‘quvchilar uchun;
• o‘quv yili davomida o‘qituvchi yoki o‘quvchilar orasida COVID aniqlanib, vaqtinchalik karantinga olingan sinf yoki maktablar uchun;
• vaqtincha boshqa joyda o‘qishni davom ettirish imkoniyati bo‘lmagan maktablarning o‘quvchilari onlayn ta'lim olishlari mumkin.

Bunday o‘quvchilar uchun parallel ravishda darslar MTRK telekanallari orqali “Onlayn maktab” loyihasi doirasida berib boriladi.

Avvalroq, O‘zbekistonda qizlar maktabda milliy ro‘mol va do‘ppida bo‘lishiga ruxsat berilgandi.