«Paxtakor» - 14 karra O‘zbekiston chempioni

Toshkentdagi «Paxtakor» stadionida bo‘lib o‘tgan «Paxtakor» va «Qizilqum» bellashuvi «sherlar»ning 4:2 hisobidagi g‘alabasi bilan yakunlandi. 

Jizzaxda esa turnir jadvalining 2-pog‘onasida borayotgan «So‘g‘diyona» klubi «Qo‘qon-1912»ni qabul qilib, 1:1 hisobida durang natija qayd etdi. Natijada, chempionat yakunlanishiga 4ta tur qolgan bir paytda, «Paxtakor»ning eng yaqin ta'qibchisi bilan oradagi farqi 14 ochkoga yetdi. 

Shu tariqa, «Paxtakor» 14-marotaba futbol bo‘yicha O‘zbekiston chempionati g‘olibiga aylandi. Bu klubning milliy chempionatdagi so‘nggi 4 yillikdagi ketma-ket 4-g‘alabasi bo‘ldi.

Superliga. 22-tur
16 oktabr (shanba)

«Paxtakor» - «Qizilqum» - 4:2 
Gollar: Ignatiy Nesterov 3 (o‘z dar.), Dragan Cheran 38 pen., 61 pen., 66 - Elguja Grigalashvili 13, Erkin Boydullayev 45+1.

«Co‘g‘diyona» - «Qo‘qon-1912» - 1:1
Hakam: Asker Najafaliyev
Gollar: Elyor Orifov 37 - Murod Holmuhammedov pen., 4.

«Turon» - «Surxon» - 1:1
Gollar: Fozil Musayev 68 – Murodbek Bobojonov 47.