Damas urib yuborgan piyoda shifoxonada vafot etdi

Namangan viloyati Chust tumanida yo‘lni kesib o‘tayotgan piyodani damas urib yuborgan. Piyoda esa favot etgan.

25-oktyabr kuni soat 15:30 larda, Chust tumani Ko‘ktosh mahallasi hududida 1991-yilda tug‘ilgan fuqaro Damas mashinasini boshqarib borayotib, harakat xavfsizligini ta'minlay olmay, yo‘lni kesib o‘tayotgan piyoda, 1950-yilda tug‘ilgan fuqaroni urib yuborgan.

Natijada, piyoda chap qo‘l tirsak suyagi yopiq sinishi, bosh miya ochiq shikasti tashxisi bilan shifoxonaga yotqizilgan. Jabrlanuvchi ko‘rsatilgan tibbiy muolajalarga qaramay vafot etgan.

Ushbu holat bo‘yicha Jinoyat kodeksining 266-moddasi 2-qismi bilan jinoyat ishi qo‘zg‘atilgan.