Toliblar Afg‘onistonda xorijiy valutadan foydalanishni taqiqlab qo‘ydi 

“Islom amirligi barcha afg‘onlarga, do‘konlar egalariga, tadbirkorlarga moliyaviy operatsiyalarni amalga oshirishda faqat afg‘oniydan foydalanishni va xorijiy valutani ishlatmaslikni buyuradi”, deb yozgan Twitter’da Mujohid.

Farmonga ko‘ra, qoidabuzarlar javobgarlikka tortiladi. “Xorijiy valutaning qo‘llanishi iqtisodiyotga salbiy ta'sir ko‘rsatmoqda va bunday yo‘qotishlar mamlakatning har bir kishisiga o‘z ta'sirini ko‘rsatadi”, deb qo‘shimcha qilgan “Tolibon” vakili.

Avvalroq Tolo News telekanali Afg‘oniston markaziy banki AQSh dollarini tejash maqsadida xorijdan pul o‘tkazmalarini faqat milliy valutada berish haqidagi farmonni qabul qilgan. Shuningdek, bank 6 oktyabrda mamlakatdagi barcha savdo operatsiyalari faqat milliy valutada amalga oshirilishi kerakligi haqidagi qarorni qabul qilgan. O‘shanda ta'kidlanganidek, ushbu chora mamlakat ichidagi valuta operatsiyalariga taalluqli bo‘lib, xalqaro savdoni qamrab olmaydi.

Toliblar Afg‘onistonda hokimiyatni egallagach, xorijiy banklar AQSh ko‘rsatmasi bo‘yicha Afg‘onistonning xorijiy aktivlarini muzlatib qo‘ygandi, Jahon valuta jamg‘armasi, Jahon banki va Yevropa ittifoqi esa Afg‘onistondagi loyihalarni moliyalashtirishni to‘xtatgandi. Bundan tashqari, AQSh Afg‘onistonga dollar yetkazishni to‘xtatgan.