O‘zbekiston | 09:43 / 12.11.2021
5509
1 daqiqa o‘qiladi

Toshkent – Buxoro yo‘nalishida yangi «Afrosiyob» poyezdlari qatnovi yo‘lga qo‘yiladi 

“O‘zbekiston temir yo‘llari” tomonidan 2021 yil 13 noyabrdan boshlab haftaning shanba va yakshanba kunlari Toshkent - Buxoro - Toshkent yo‘nalishida “Afrosiyob” zamonaviy poyezdlari qatnovi yo‘lga qo‘yiladi.

Foto: O‘zbekiston temir yo‘llari

Transport vazirligi axborot xizmati xabariga ko‘ra, yo‘lovchilarning zamonaviy poyezdlarga bo‘lgan talabini to‘la qondirish, ichki turizmni rivojlantirishda qo‘shimcha imkoniyatlar yaratish maqsad qilingan.

Harakat jadvaliga ko‘ra, shanba va yakshanba kunlari soat 09:02da Toshkent markaziy temiryo‘l vokzalidan harakatini amalga oshiradigan 770-sonli “Afrosiyob” zamonaviy poyezdi Samarqand va Navoiy temiryo‘l vokzallarida to‘xtab o‘tib, soat 12:47da Buxoro 1-temiryo‘l vokzaliga yetib boradi. 

769-sonli “Afrosiyob” zamonaviy poyezdi shanba va yakshanba kunlari soat 15:02da Buxoro 1-temiryo‘l vokzalidan harakatini amalga oshirib, soat 18:50da Toshkent markaziy temiryo‘l vokzaliga kirib keladi. 

Avvalroq, Toshkent – Buxoro yo‘nalishida harakatlangan “Afrosiyob” poyezdi yo‘lda to‘xtab qolgani xabar berilgandi.

Отабек Матназаров
Tayyorlagan Отабек Матназаров
Kun.uz yangiliklarini Google News'da kuzating
+ Obuna bo'lish

Mavzuga oid