Koronavirusning “omikron” shtammi Buyuk Britaniyada ham qayd etildi

Buyuk Britaniyada koronavirusning “omikron” shtammi bilan bog‘liq ikkita holat aniqlandi.

Mamlakat sog‘liqni saqlash vaziri Sajid Javid ikkala holat bir-biri bilan bog‘liqligini aytdi. 

Avvalroq yaqinda JARda bo‘lib qaytgan Germaniya fuqarosida «omikron» shtammi belgilari aniqlangani xabar qilingandi.

Yevropada «omikron» dastlab 26 noyabr kuni qayd etilgandi. Yangi shtamm birinchi bo‘lib Belgiyada aniqlandi.

JSST ma'lumotiga ko‘ra, B.1.1.529 shtammi ilk marta 24 noyabr kuni JARda aniqlangan.

Qayd etilishicha, mazkur shtammda ko‘plab mutatsiyalar bo‘lib, ularning ayrimlari xavotirga soladi.