Finlandiyada Yevropadagi eng yirik yadro reaktori ishga tushirildi

Ma’lumotlarga ko‘ra, loyihani Teollisuuden Voima kompaniyasi amalga oshirgan. Reaktorni ishga tushirish uchun tegishli ruxsat bir hafta oldin Radiatsiya va yadro xavfsizligi markazi STUK tomonidan berilgan.  

Yangi reaktorda elektr energiya olishni u milliy elektr tarmog‘iga ulangandan keyin, ya’ni yanvar oxirida boshlash rejalashtirilgan. 6 oyga yaqin davom etadigan sinov vaqti davomida reaktor turli quvvatlardan foydalanib energiya ishlab chiqaradi. U iyundan boshlab to‘laqonli ishlay boshlaydi. Shunda reaktor yordamida mamlakatdagi butun elektr energiyaning 15 foizga yaqini olinadi.

Teollisuuden Voima’da ta’kidlanishicha, Finlandiyada oxirgi marta atom elektr stansiyasi 40 yildan ko‘proq vaqt avval, Yevropada esa 15 yil avval ishga tushirilgan.