Ayrim sohalardagi davlat nazorati funksiyalari xususiy sektorga beriladi

Unga ko‘ra, xususiy sektorga o‘tkaziladigan va ularni jalb qilish mumkin bo‘lgan ayrim davlat funksiyalarini oshirish mo‘ljallangan.

Bunda:

ayrim sohalardagi davlat nazorati, shu jumladan yong‘in xavfsizligini ta’minlash, ta’lim sifatini nazorat qilish, dori vositalarini sertifikatlashtirish kabi funksiyalarga xususiy sektor vakillari jalb qilinadi;

xususiy sektorni jalb qilish samaradorligi yuqori bo‘lgan sohalar aniqlanib, ayrim davlat funksiyalarini xususiy sektorga o‘tkazish nazarda tutiladi.

Davlat boshqaruvini nomarkazlashtirish hisobiga mahalliy ijro hokimiyati organlari va hududiy davlat boshqaruvi organlarining joylarda masalalarni hal qilishdagi rolini oshirish ham ko‘zda tutilgan.

Respublika davlat boshqaruvi organlarining funksiya va vakolatlarini hududiy davlat boshqaruvi organlari va mahalliy davlat hokimiyati organlariga o‘tkazish tartibini ishlab chiqish rejalashtirilmoqda.

Hududlarni rivojlantirish bo‘yicha vazifalarni hal qilishda barcha darajadagi davlat boshqaruvi organlari hududiy boshqarmalarining samarali ishini, shu jumladan raqamli texnologiyalarni joriy qilgan holda tashkil etish nazarda tutilgan.