Shimoliy Koreya Pekin Olimpiadasida qatnashmasligini ma’lum qildi

Shimoliy Koreya Pekindagi qishki Olimpiada o‘yinlarida qatnashmaydi. Bu haqda KXDR Olimpiya qo‘mitasi hamda jismoniy tarbiya va sport vazirligining Olimpiya o‘yinlari tashkiliy qo‘mitasiga yo‘llangan maktubida aytilmoqda, deb xabar berdi korrespondent. 

"Biz dushman kuchlarining harakati va butunjahon pandemiyasi sababli Olimpiya o‘yinlarida qatnasha olmasligimizni ma’lum qilamiz", - deyiladi maktubda.

Shu bilan birga, Pxenyan "xitoylik do‘stlarni qoyilmaqom va ajoyib Olimpiya festivalini o‘tkazishda to‘liq qo‘llab-quvvatlashi"ni ma’lum qilgan.

Pekindagi qishki Olimpiada o‘yinlari 4-22 fevralda, Paralimpiada o‘yinlari 4-13 mart kunlari o‘tkaziladi.

Qator mamlakatlar Xitoy hukumatini uyg‘urlarni ta’qib qilayotganlikda ayblab, tadbirga o‘z diplomatlarini yubormaslikka qaror qilgan.