Yevropada Rossiya nefti narxi rekord darajada qimmatladi

2014 yil sentyabrdan buyon ilk bor Yevropada Rossiyaning Urals neftining bir barreli narxi 95 dollardan oshdi.

Xabar qilinishicha, CIF Rotterdam birjasida Urals narxi 4,66 dollarga ko‘tarilib, bir barreli 95,12 dollarga yetgan.

Urals narxi oxirgi marta 2014 yil 17 sentyabrda rekord darajada oshgan – bir barreli 96,18 dollarga yetgandi.

Rossiya energetika va moliya institutining energetika yo‘nalishi bo‘yicha direktori Aleksey Gromning so‘zlariga ko‘ra, Ukraina sharqidagi vaziyat yomonlashgan taqdirda neft narxi keskin ko‘tarilishi mumkin.