Qoʻshimcha funksionallar
-
Tungi ko‘rinish
O‘zbekiston va Eron imtiyozli savdo to‘g‘risida bitim imzolaydi
Tehronda savdo-iqtisodiy, ilmiy-texnikaviy hamkorlik bo‘yicha O‘zbekiston - Eron hukumatlararo komissiyasi hamraislari – O‘zbekiston bosh vaziri o‘rinbosari – investitsiyalar va tashqi savdo vaziri Sardor Umrzoqov va Eron sanoat, konlar va savdo vaziri Said Rizo Fotimiy Aminning uchrashuvi bo‘lib o‘tdi.
Foto: Investitsiyalar va tashqi savdo vazirligi
O‘zbekiston va Eron o‘rtasida imtiyozli savdo to‘g‘risidagi bitim loyihasini imzolashga tayyorgarlik ko‘rish bilan bog‘liq masalalar o‘rganildi, o‘zaro maqbul yechimlar ishlab chiqildi va kelishib olindi.
Tomonlar ikki mamlakat bozorlarida xaridorgir oziq-ovqat va qishloq xo‘jaligi mahsulotlarini o‘zaro yetkazib berishni ko‘paytirish bo‘yicha mavjud imkoniyatlarni qayd etib, o‘zaro savdo salohiyatidan to‘liq foydalanish zarurligi to‘g‘risida yakdil fikrga keldi.
Shuningdek, ikki mamlakat bojxona organlari o‘rtasida ikkala davlat bo‘ylab tovarlar va transport vositalari harakati bo‘yicha elektron axborot almashinuvi to‘g‘risidagi o‘zaro anglashuv memorandumi imzolanishini jadallashtirishga kelishildi.
Uchrashuvda ikki tomonlama iqtisodiy hamkorlikning boshqa masalalari, jumladan, O‘zbekiston va Eron o‘rtasida savdo-iqtisodiy, ilmiy-texnikaviy hamkorlik bo‘yicha hukumatlararo komissiyaning 14-yig‘ilishi kun tartibidagi masalalar muhokama qilindi.
Mavzuga oid
19:45 / 22.11.2024
Norvegiyada AQSh elchixonasi qo‘riqchisi josuslikda gumonlanib qo‘lga olindi
08:39 / 22.11.2024
AEXA rahbari Eron yadro dasturi bo‘yicha hisobot tayyorlaydi
23:14 / 19.11.2024
Eron uranni boyitishni to‘xtatishga tayyorligini bildirdi - OAV
21:44 / 19.11.2024