Bosfor bo‘g‘ozida minaga o‘xshash jism topilgani xabar qilindi

Bosfor bo‘g‘ozida minaga o‘xshash jism topilgani sababli kemalar harakati vaqtinchalik to‘xtatildi, deb xabar berdi “Onado‘lu” agentligi.

NTV telekanalining aniqlik kiritishicha, jism Sariyer-Turkeli langargohida topilgan.

«26 mart kuni Bosfor bo‘g‘ozida tijorat kemasi tomonidan minaga o‘xshash jism topilganidan so‘ng suvosti mudofaa guruhi zudlik bilan voqea joyiga yetib bordi», — deb ma’lum qildi Turkiya mudofaa vazirligi.

Xabar qilinishicha, suvosti mudofaa guruhi jismni zararsizlantirish choralarini ko‘rgan.

RIA Novosti xabariga ko‘ra, Bosfor bo‘g‘ozi kemalar harakati uchun qayta ochilgan.

Bosfor bo‘g‘ozi Qora dengizni O‘rtayer dengizi bilan bog‘laydi.