AQSh janubi-g‘arbida uch haftadan buyon o‘rmon yong‘inlari davom etmoqda 

AQShning Nyu-Meksiko shtatida avj olgan o‘rmon yong‘inlari davom etmoqda. 

Mamlakatdagi eng yirik yong‘in 6 aprel kuni Nyu-Meksikoning beshta turli nuqtasida bir vaqtning o‘zida boshlangandi. Olov Santa-Fe shahrigacha yetib keldi. Yong‘inlar tarqalgan hudud 303 kv. kilometrni tashkil etadi. 

Nyu-Meksiko shtati aholisining bir qismi evakuatsiya qilindi.

Kuchli shamol va quruq havo yong‘inni o‘chirishni qiyinlashtirmoqda. Olov kutilganidan ko‘ra tezroq tarqalmoqda.  

Yong‘inni o‘chirishga 2 ming nafar o‘t o‘chiruvchi qutqaruvchilar jalb etilgan.