Qoʻshimcha funksionallar

  • Tungi ko‘rinish

  • Toshkent sh.
  • Qoraqalpog‘iston
  • Andijon
  • Farg‘ona
  • Namangan
  • Samarqand
  • Buxoro
  • Xorazm
  • Surxondaryo
  • Qashqadaryo
  • Jizzax
  • Sirdaryo
  • Toshkent vil.
  • Navoiy
    • Jahon | 13:09 / 07.06.2022
    33532
    5 daqiqa o‘qiladi

    O‘rmonlardagi harbiylar va dalalardagi fermerlar. Urush suratlari

    Urushning 103-kuni o‘tdi. Lugansk oblasti rahbari Sergey Gaydayning ma’lum qilishicha, Rossiya Severodonetsk va Lisichanskni to‘liq nazoratga olish harakatlarini davom ettirmoqda, ammo ukrain armiyasi mudofaani ushlab turibdi. Ukraina TIV Kiyev rossiyalik harbiy asirlarni janglar tugaganidan keyin ozod qilishga tayyor ekanini, ammo harbiy jinoyatlar sodir etganlarni sud qilish huquqini o‘zida qoldirishini aytdi. Rossiya Ukrainaga «Azovstal» mudofaachilarining jasadlarini qaytara boshlagan: Associated Press ma’lumotiga ko‘ra, Kiyevga o‘nlab jasadlar yetkazilgan.

    Ukraina prezidenti matbuot xizmati 5 iyun kuni Donbassdagi front chizig‘iga borgan Volodimir Zelenskiyning hududdagi harbiylar hisobotini tinglash chog‘idagi suratini e’lon qildi.

    Quyida 6 iyun kuni Ukrainaning turli hududlarida olingan suratlar.

    Donetsk

    O‘t o‘chiruvchi rossiyaliklar zarbasidan keyin omborxonada chiqqan yong‘inni o‘chirmoqda. Surat Oleksandr Yermochenko (Reuters) tomonidan tushirilgan — bu uning yaradorlikdan keyin olgan ilk surati: fotograf 3 iyun kuni hamkasbi, operator Pavel Klimov bilan birga ketayotganida yaralangandi. Ularning haydovchisi halok bo‘lgan. Foto: Alexander Ermochenko / Reuters / Scanpix / LETA
    Donetskdagi yonayotgan omborda ishlayotgan o‘t o‘chiruvchi. DXR hukumatiga ko‘ra, o‘tgan kun davomida Ukraina qurolli kuchlari Donetsk va unga qo‘shni bo‘lgan Makeyevkani o‘qqa tutishgan. Foto: Alexander Ermochenko / Reuters / Scanpix / LETA
    Ukrain harbiylari Donetskdagi front chizig‘i yaqinida tankda harakatlanmoqda
    AP Photo/Bernat Armangue

    Donbass shimoli 

    Limanga olib boruvchi yo‘ldagi vayron qilingan ko‘prik, shahar ayni vaqtda Rossiya kuchlari nazoratida
    Aris Messinis / AFP / Scanpix / LETA
    Donetsk oblastida ukrainlar tanki. Hozirda asosiy janglar Donbassda kechmoqda: Rossiya qo‘shini Severodonetsk va Lisichanskka hujum qilmoqda, ukrain armiyasi mudofaani saqlab turibdi. Foto: Bernat Armangue / AP / Scanpix / LETA
    Bombardimon vaqtida pana joyga yugurayotgan ukrain harbiysi
    Aris Messinis / AFP / Scanpix / LETA
    Lisichansk o‘qqa tutilishi vaqtida vayron qilingan maktab. Volodimir Zelenskiy kechqurungi murojaatida shahar ayni vaqtda urushning eng qaynoq nuqtasiga aylanganini aytdi. Foto: Marcus Yam / LA Times / Getty Images
    Ukrain harbiylari tankni shox-shabbalar bilan bekitmoqda
    Bernat Armangue / AP / Scanpix / LETA
    Ukraina harbiy xizmatchilari front chizig‘i yaqinida gaubitsalar uchun snaryadlarni tayyorlamoqda
    Reuters / Scanpix / LETA
    Gaubitsalardan o‘t ochilishi. Foto: Reuters / Scanpix / LETA
    Soledar yaqinidagi bug‘doy ekilgan dalaga tushgan Rossiya raketasi parchasi
    AP Photo/Bernat Armangue
    Soledar yaqinidagi dala maydonida ishlayotgan fermerlar — bu shahar Severodonetskda Rossiya armiyasiga qarshi turgan ukrain harbiylari ta’minoti o‘tadigan yagona yo‘l bo‘yida joylashgan. Soledarning o‘zi ham doimiy ravishda zarbalarga uchramoqda.
    Bernat Armangue / AP / Scanpix / LETA
    46 yoshli Natalya Tishchenko 7 yoshli o‘g‘li Yaroslav bilan. Oila ikki oydan buyon Donetsk oblastidagi Velikaya Novoselka posyolkasida bombapanagohda yashamoqda. Ularning uyi aviazarbalar oqibatida vayron bo‘lgan. Foto: Marcus Yam / LA Times / Getty Images

    Kiyev oblasti

    Bombardimon qilingan Mostishche qishlog‘ida o‘z mashinasi qoldiqlarini ko‘zdan kechirayotgan kishi.
    Natacha Pisarenko / AP / Scanpix / LETA
    Gorenka qishlog‘ida vayron qilingan ibodatxona hududini tozalash bilan shug‘ullanayotgan ayol dam olmoqda. Rossiya armiyasi qishloqqa kirmagan, ammo uni o‘qqa tutgan: bu yerda 600 ga yaqin uyni ta’mirlashga to‘g‘ri keladi. Foto: Natacha Pisarenko / AP / Scanpix / LETA
    Kiyevdagi Maydan maydonida «Help» («Yordam») so‘zini hosil qilgan qum to‘ldirilgan qoplar oldidan o‘tayotgan kishi
    AP Photo/Natacha Pisarenko

    Xarkov

    Qabrga o‘rnatiladigan xoch olib ketayotgan kishi
    Ivan Alvarado / Reuters / Scanpix / LETA
    #urush suratlari

    Rossiya-Ukraina urushi

    2022 yil 22 fevral kuni Rossiya Ukraina chegarasidan o‘tib, qo‘shni mamlakatga bostirib kirdi. Ukraina armiyasi jang taklif qildi.

    Mavzuga oid

    14:51 / 16.09.2024

    Rossiya qo‘shini Xarkivni bombalashda davom etmoqda - fotosuratlar

    15:39 / 02.09.2024

    Donbassda aholi evakuatsiya qilinmoqda, Kurskda minglab kishilar lagerlarda yashamoqda. Urush suratlari

    14:25 / 18.08.2024

    Kursk oblastidan qaytgan ukrainlar va Sudjadan ilk kadrlar. Urush suratlari

    18:25 / 16.08.2024

    Ukraina Kursk oblastida «yuzlab harbiylar» asir olinganini e’lon qildi - fotosuratlar