Donbassda artilleriya duellari va nobud bo‘lgan sigirlar. Urush suratlari

Ukrainadagi urush. 11 iyunning asosiy voqealari

• Ukraina prezidenti ofisi maslahatchisi Aleksey Arestovich urush davrida frontda taxminan 10 ming ukrain harbiysi halok bo‘lganini tasdiqladi.
• AQSh prezidenti Jo Bayden Volodimir Zelenskiy uning tez orada Rossiyaning keng ko‘lamli hujumi boshlanishi to‘g‘risidagi ogohlantirishlariga quloq solishni istamaganini aytdi. Bunga javoban ukrain amaldorlari Kiyev urushga tayyor bo‘lgani, G‘arb esa Moskva tajovuzini to‘xtatishga yordam bera olmagani haqida gapirishdi.
• Severodonetskda og‘ir ko‘cha janglari davom etmoqda, Lugansk oblasti ma’muriyati rahbari Sergey Gaydayning ma’lumotiga ko‘ra, «Azot» kimyoviy zavodi intensiv o‘qqa tutilishi oqibatida o‘nlab tonna radiator moyi yonib ketgan. Gayday ukrain harbiylari ko‘cha janglarida ustun kelayotgani, ammo RF armiyasi artilleriya zarbalari orqali Ukraina qurolli kuchlari harbiylari yashiringan uylarni vayron qilayotganini ma’lum qilgan.
• Xerson va Melitopolda rossiyaliklar tomonidan tayinlangan «yangi hukumat» Rossiya pasportlarini tarqata boshladi. Zelenskiy bunday pasportlarni «faqat bir qancha kollaboratsionistlar va ularning atrofidagi odamlar» olganini aytdi. Ukrainlar prezidentining so‘zlariga ko‘ra, Ukraina armiyasi Xerson oblastidagi bir qishloqni ozod qilishgan va Zaporojye oblastida ma’lum muvaffaqiyatlarga erishgan.
• Kiyevga Yevrokomissiya rahbari Ursula fon der Lyayyen tashrif buyurdi. U Ukraina prezidenti va bosh vazir bilan uchrashib, ular bilan mamlakatning Yevroittifoqqa a’zoligi masalasini muhokama qilgan.

Quyida 11 iyun kuni Ukrainaning turli hududlarida olingan suratlar.

Kiyev oblasti 

Xarkov

Nikolayev

Donbass