Toshkentda Tesla YTHga uchradi

Toshkent shahar IIBB Yo‘l harakati xavfsizligi boshqarmasi Chilonzor tumani Muqimiy ko‘chasida sodir bo‘lgan YTH haqida ma’lumot berdi.

Foto: IIBB YHXB

Bugun, 6 avgust kuni soat 8:30 larda Toshkent shahar, Chilonzor tumani Muqimiy va Arnasoy ko‘chalari kesishgan chorrahada yo‘l-transport hodisasi sodir bo‘ldi.

Haydovchi, 1990 yilda tug‘ilgan N.N. boshqaruvidagi “Kobalt” rusumli transport vositasi va haydovchi, 1977 yilda tug‘ilgan D.T. boshqaruvidagi Tesla rusumli transport vositalari ishtirokida yo‘l-transport hodisasi kuzatilgan.

Hodisa natijasida tan jarohati olganlar yo‘q.

Holat yuzasidan Toshkent shahar IIBB YHXB mas’ul xodimlari tomonidan surishtiruv harakatlari olib borilmoqda.