O‘zbekistonga Rossiyadan salqin havo kirib keladi

Joriy yil 18-20 avgust kunlari O‘zbekistonga Ural hududlaridan salqin havo kirib keladi.

Foto: Kun.uz

“O‘zgidromet” xabariga ko‘ra, 18-20 avgustda respublika bo‘yicha ba’zi joylarda shamol 17-22 m/s gacha kuchayishi, ayrim joylarda chang-to‘zonlar kuzatilishi kutilmoqda.

18 avgustda Buxoro, Navoiy viloyatlarida, 19-20 avgustda Buxoro, Navoiy, Qashqadaryo, Samarqand, Jizzax, Farg‘ona, Namangan viloyatlarida shamol kuchayishi 24-27 m/s ga yetishi mumkin.

19-20 avgustda kunduzgi havo harorati 27-32 daraja issiqqacha pasayadi.