Ayrim shaxslar xizmat turar joyidan ko‘chirilganda ularga boshqa uy beriladi

Xizmat turar joylarida yashayotgan ayrim shaxslar xizmat uyidan boshqa turar joy bergan holda ko‘chiriladi.

“Huquqiy axborot” kanalida yozilishicha, ular quyidagilar:

I va II guruh nogironlari;

1941 – 1945 yillardagi urush faxriylari va baynalmilalchi jangchilar;
harbiy xizmatni o‘tayotganida halok bo‘lgan yoki bedarak yo‘qolgan harbiy xizmatchilar oilalari;
nogiron farzandlari bo‘lgan oilalar;
tarbiyachi ota-onalar, oilaviy bolalar uyi tugatilgan taqdirda;
xizmat turar joyi bergan tashkilotlarda kamida o‘n yil ishlagan (xizmat qilgan) shaxslar;
lavozimi munosabati bilan turar joy berilgan bo‘lib, lavozimidan bo‘shagan, lekin turar joyni bergan korxona bilan mehnat munosabatlarini uzmagan shaxslar;
xodimlar soni (shtati) yoki ish xususiyati o‘zgarishi yoxud korxona, muassasa, tashkilot tugatilishi munosabati bilan mehnat shartnomasi bekor qilingan shaxslar;
o‘zi ishlagan korxona, muassasa, tashkilotdan pensiyaga chiqqan xodimlar;
xizmat turar joyi berilgan shaxs vafot etganda uning oila a’zolari;
voyaga yetmagan farzandlari bilan birga yashayotgan yolg‘iz shaxslar.