Oltin va misdan budjetga foyda solig‘i keskin kamaydi

Davlat budjetiga foyda solig‘i tushumining 9,5 trln so‘mi yoki 51 foizi oltin va mis qazib chiqaruvchilar hissasiga to‘g‘ri keladi. Ular uchun soliq stavkasining pasaytirilishi tufayli tushumlar o‘tgan yilga nisbatan 26 foizga kamaygan. Moliya vazirining aytishicha, bu yo‘qotilgan foyda solig‘i budjetga dividend ko‘rinishida undirilmoqda.