Qoʻshimcha funksionallar
-
Tungi ko‘rinish
«Tolibon» ayollarni politsiya bo‘limiga ishga oldi
«Tolibon» harakati Afg‘oniston muvaqqat hukumati qoshidagi Ichki ishlar vazirligining jamoat xavfsizligi bo‘limiga ayollarni yolladi.
Vazirlik bayonotiga ko‘ra, ayni paytda mazkur qismda 100 nafar xotin-qiz xizmat qilish uchun o‘qitilmoqda.
«Tolibon» ayollarning politsiyadagi vazifalari nimadan iborat bo‘lishi haqida rasman izoh bermadi. Biroq, ekspertlar fikriga ko‘ra, ular ayollarning norozilik namoyishlariga qarshi turish uchun ishlatilishi mumkin.
«Bu «Tolibon» tomonidan ayollarning norozilik namoyishlari va yig‘ilishlarining oldini olish taktikalaridan biri. «Tolibon» bu bilan ayollarga nisbatan zo‘ravonliklarga jamoatchilik reaksiyasi qanday bo‘lishini nazorat qilmoqchi», - deydi ayollar huquqlari faoli Muhadisa Amina.
«RIA Novosti» tasarrufiga tushgan videoda, ayollar mashg‘ulot paytida qalqon ushlab, dubulg‘a kiyib olgani ko‘rinadi, bunday vositalar namoyishlarni tarqatishda ishlatiladi.
«Tolibon» hukumat tepasiga kelganidan so‘ng, ayollarga nisbatan bir qator cheklovlarni joriy qildi, jumladan, ularga ro‘molsiz ko‘chada yurish va mashinalarga chiqish, oltinchi sinfdan keyin maktabga borish taqiqlandi. Bundan tashqari, erkaklar va ayollarning ko‘ngilochar bog‘lariga birga borishi ham taqiqlangan edi.
Mavzuga oid
21:58 / 21.05.2025
AQSh «Tolibon»ning terrorchi tashkilot maqomini qayta ko‘rib chiqadi
15:06 / 15.05.2025
O‘zbekiston Afg‘onistondan chorva mollarini import qilishi mumkin
17:22 / 14.05.2025
Afg‘oniston O‘zbekistonga Hirot oq marmarini sovg‘a qildi
17:47 / 12.05.2025