Maktab o‘quvchilari uchun qishki ta’til 28 dekabrdan boshlanadi

O‘zbekistonda maktab o‘quvchilari uchun qishki ta’til 28 dekabrdan boshlanadi. Bu haqda Xalq ta’limi vazirligi xabar qildi.

Maktab o‘quvchilari uchun II chorakning so‘nggi kuni 27 dekabrga to‘g‘ri kelib, 28 dekabr kuni qishki ta’tilning ilk kuni sanaladi.

Ta’til 14 kalendar kun, ya’ni 2023 yil 10 yanvargacha davom etadi. 

III chorak 2023 yilning 11 yanvaridan boshlanadi.

Bundan avvalroq talabalar uchun qishki ta’til 26 dekabrdan boshlanishi xabar qilingandi.