Qoʻshimcha funksionallar
-
Tungi ko‘rinish
Jamiyat | 10:15 / 15.12.2022
10703
1 daqiqa o‘qiladi
Video: Toshkentda Matiz yonib ketdi
Olmazor tumanida harakatlanib ketayotgan Matiz yonib ketdi. Qisqa tutashuv o‘t chiqishiga sabab bo‘ldi.
Toshkent shahar Olmazor tumanida Matiz avtomobili yonib ketdi. Bu haqda YHXX xabar qilmoqda.
Dastlabki ma’lumotlarga ko‘ra, 2022 yil 14 dekabr kuni soat 11:20 larda Toshkent shahar Olmazor tumani KXAY va Talabalar ko‘chalari kesishgan chorrahada haydovchi, 1989 yilda tug‘ilgan B.F. Matiz avtomobilida harakatlanib ketayotgan vaqtda, transport vositasida qisqa tutashuv va uning natijasida yong‘in yuzaga kelgan.
Yong‘in o‘t o‘chiruvchilar tomonidan bartaraf etilgan. Hodisa natijasida hech kim tan jarohati olmagan.
Holat yuzasidan Toshkent shahar IIBB JXX YHXB hamda FVB xodimlari tomonidan surishtiruv harakatlari olib borilmoqda.
