Mask Twitter rahbari lavozimini tark etishi uchun ovoz berishni so‘radi

Twitter’ning yangi egasi, milliarder Ilon Mask ijtimoiy tarmoq foydalanuvchilarini kompaniyadagi rahbarligiga ovoz berishda ishtirok etishga taklif qildi. «Twitter rahbari lavozimini tark etishim kerakmi?» - deb yozdi u 19 dekabr, yakshanba kuni o‘z sahifasida. Foydalanuvchilarda «ha» yoki «yo‘q» deb javob berish imkoniyati bor, Mask so‘rov natijalariga amal qilishga va’da berdi. 

Twitter’ni sotib olganidan beri Ilon Mask lavozimdagi qarorlari uchun qattiq tanqid qilindi. Bir necha hafta oldin qabul qilingan so‘nggi shov-shuvli qaror qator yetakchi nashrlar jurnalistlarining akkauntlarini bloklash, shuningdek, ukrainalik foydalanuvchilarni ijtimoiy tarmoqdan foydalanish uchun sahifalariga kirishni mobil telefon raqami yordamida tiklash imkoniyatidan mahrum qilish bo‘ldi. Keyinchalik Mask bir nechta jurnalistlarning akkauntlarini blokdan chiqarishga rozilik berdi.

Oktabr oyi oxirida kompaniya egasi bo‘lganidan so‘ng tadbirkor kompaniya juda ko‘p mablag‘ sarflayotganini aytdi va xodimlarning yarmiga yaqinini ishdan bo‘shatdi. Qolganlar uchun u qo‘shimcha ishlashni taklif qildi va San-Fransiskodagi ofisga karavotlar qo‘ydi. Bundan tashqari, Mask kompaniya ishni bajarish uchun yaqin kelajakda «ko‘p ahmoqona ishlar» qilishi haqida ogohlantirdi. Tanqidchilar Maskning nomaqbul kontent uchun tekshiruvni keskin qisqartirganidan xavotirda. Ularning fikriga ko‘ra, bu platformaga dezinformatsiya va nafratning ko‘payishi bilan tahdid qilmoqda. Germaniyada siyosatchilar Twitter'ni tark etishga qaror qilishdi.