Qoʻshimcha funksionallar
-
Tungi ko‘rinish
Angliyada qirol Charlz III portreti tushirilgan banknotlar chiqarildi
Angliya banki Buyuk Britaniya qiroli Charlz III tasvirlangan banknotlar dizaynini taqdim etdi.
Bloomberg ma’lumotlariga ko‘ra, monarx portreti £5, £10, £20 va £50 nominalidagi polimer banknotlarda paydo bo‘ladi.
Monarxning profili banknotlarning old tomoniga, shuningdek, Big Ben tasviri yonidagi shaffof himoya oynachasiga tushiriladi. Orqa tomonda sobiq bosh vazir Uinston Cherchill, yozuvchi Jyeyn Ostin, rassom J.M.V.Tyorner va matematik Alan Tyuring tasvirlangan.
Angliya banki dizaynni ishlab chiqishda qirollik oilasi vakillari ishtirok etganini qayd etdi.
Qirol tasviri tushirilgan banknotalar 2024 yil o‘rtalarida muomalaga chiqariladi. Shu bilan birga, qirolicha Yelizaveta II portreti tushirilgan banknotalar eskirguncha yoki shikastlanmaguncha qonuniy to‘lov vositasi bo‘lib qoladi. Shu asosda qirollik oilasi monarx o‘zgarishining ekologik va moliyaviy oqibatlarini minimallashtirishni istaydi.
Dekabr oyi boshida Britaniyada Charlz III tasviri tushirilgan birinchi tangalar muomalaga kiritilgan edi.
Mavzuga oid
23:08 / 27.05.2025
Okeandagi oldi-berdi: Britaniya Chagos orolini nega topshirdi?
11:50 / 26.05.2025
Britaniya bozorlariga O‘zbekistonda yetishtirilgan gilos yetkazib berildi
18:08 / 22.05.2025
Britaniya Rossiya maxsus xizmatlarini 10 mingga yaqin kamerani buzib kirganlikda aybladi
09:04 / 21.05.2025