Gibrid avtomobillarga alohida farqlovchi davlat raqami beriladi

Hukumatning ayrim qarorlariga o‘zgartirishlar kiritildi.

Foto: Kun.uz

Jumladan, elektromobillarga beriladigan alohida farqlovchi davlat raqami belgilari gibrid avtomobillarga ham beriladigan bo‘ldi. Bu haqda Huquqiy axborot xabar berdi.

Shuningdek, yuridik shaxslarning avtomototransport vositalarini davlat ro‘yxatidan o‘tkazish yuridik shaxslarni davlat ro‘yxatidan o‘tkazish guvohnomasida ko‘rsatilgan yuridik shaxs nomi, joylashgan joyi, STIR raqami bo‘yicha amalga oshiriladi.

Bundan tashqari, YHXDX organlarida ro‘yxatga olish harakatlarini amalga oshirish uchun asos bo‘ladigan hujjatlarning saqlanish muddati 5 yildan 3 yilga qisqartiriladi.