Nukusda 100 MVt quvvatga ega shamol elektr stansiyasi quriladi

Hujjatga ko‘ra, bankning ACWA Power Wind Karatau kompaniyasiga krediti hajmi 19 million dollarni, Qoraqalpog‘istondagi elektr stansiyasining quvvati esa 100 MVtni tashkil etadi.

Bu YeTTB dasturi doirasida O‘zbekistonga umumiy quvvati 2000 MVt bo‘lgan shamol energetikasi quvvatlarini yaratishda yordam beradigan birinchi loyiha bo‘ladi.

Umuman olganda, mamlakatda YeTTB tomonidan moliyalashtiriladigan qayta tiklanuvchi energiya manbalarining quvvati 2700 MVtgacha oshiriladi.

O‘zbekistonda o‘z faoliyatini boshlaganidan buyon YeTTB iqtisodiyotning turli tarmoqlarida 3,4 milliard yevrodan ortiq 100 ta loyiha va dasturni moliyalashtirishni ma’qullagan (893 million yevrolik 7 ta loyiha ishlab chiqilmoqda). O‘zbekiston MDH davlatlari orasida YeTTB sarmoyalarini eng ko‘p oluvchi davlat hisoblanadi.