O‘zbekiston va Latviya qishloq xo‘jaligida hamkorlikni faollashtiradi

O‘zbekiston elchixonasi ma’lumotiga ko‘ra, muzokaralar chog‘ida ikki davlat o‘rtasidagi savdo va sarmoyaviy, yuqori texnologiyali, sanoat va ilmiy-texnikaviy sheriklikni faollashtirish istiqbollari yuzasidan atroflicha fikr almashildi.

Vazir O‘zbekiston Latviyaning Markaziy Osiyodagi asosiy hamkori ekanini ta’kidladi. Qishloq xo‘jaligi ikki tomonlama hamkorlikning muhim yo‘nalishlaridan biridir.

Shu munosabat bilan Didzis Shmits qishloq xo‘jaligi, ekologiya, standartlashtirish va sertifikatlashtirish sohalarida O‘zbekiston-Latviya kelishuvlarini amalga oshirish maqsadida yuqorida qayd etilgan yo‘nalishlarga jalb qilingan latviyalik yetakchi mutaxassislar, korxona va tashkilotlarning imkoniyatlari safarbar etilishini ma’lum qildi.

Latviya tomoni Hukumatlararo komissiya, Qishloq xo‘jaligi sohasidagi ishchi guruhi va Ishbilarmonlar kengashi kabi hamkorlikning muhim tizimlari ikki tomonlama institutsional mexanizmlaridan samarali foydalanishga qaratilganini qayd etdi.

Muzokaralar chog‘ida tomonlar ikki mamlakat qishloq xo‘jaligi idoralari o‘rtasidagi rejalashtirilgan aloqalar jadvali, darajasi va kun tartibiga ham to‘xtalib o‘tdilar.