Navoiyda xalqning puliga qurilgan sport majmuasi xalqdan tortib olinmoqda

Navoiy shahridagi “Yoshlar” sport majmuasi yer maydoni va yordamchi xonalari bilan birgalikda “Qizilqum” futbol jamoasi balansiga bepul berilishi kutilyapti. Bu haqda hukumat farmoyishi loyihasi ishlab chiqilgan. Davlat budjeti mablag‘iga qurilgan majmuaning katta qismi MChJga “sovg‘a qilinishi” ortidan yuzlab sportchi va ishchi-xodimlar ko‘chada qolishi mumkin.