JAR BRICS sammiti ishtirokchilariga diplomatik daxlsizlik taqdim etadi

JAR hukumati BRICS guruhi davlatlari rasmiylarining yaqin oylarda o‘tkazilishi rejalashtirilgan ikki uchrashuvi ishtirokchilariga diplomatik immunitet beradi. Qaror hukumat gazetasida e’lon qilindi, deya bunga e’tibor qaratgan Bloomberg.

1-2 iyun kunlari Keyptaunda to‘planadigan BRICS tashqi ishlar vazirlari yig‘ilishi ishtirokchilariga daxlsizlik amal qiladi. 

Shuningdek, u 22-24 avgust kunlari bo‘lib o‘tadigan BRICS davlat rahbarlari sammiti ishtirokchilariga taqdim etiladi.

BRICS davlatlararo assotsiatsiya bo‘lib, besh davlatning ittifoqidir: Braziliya, Rossiya, Hindiston, Xitoy va JAR.