O‘qituvchi-stajyorlarni ishga qabul qilish tartibi ishlab chiqildi
Ilk bor ishga qabul qilingan stajyor-o‘qituvchilardan bir yil muddat davomida kasbiy sertifikat olish talab etiladi.
O‘zbekiston prezidentining tegishli farmoniga asosan 2023/2024-o‘quv yilidan boshlab pedagogik kasblarga birinchi marta ishga qabul qilinadigan oliy ma’lumotli talabgorlar stajyor-o‘qituvchi sifatida faoliyat yuritishi belgilangan.
Shu sababli, Maktabgacha va maktab ta’limi vazirligi tomonidan stajyor-o‘qituvchilarni ishga qabul qilish bo‘yicha ko‘rsatma ishlab chiqildi.
Unga ko‘ra, ilk bor ishga qabul qilingan stajyor-o‘qituvchilardan bir yil muddat davomida kasbiy sertifikat olish talab etiladi. Sertifikat olguniga qadar ularga oliy ma’lumotli (toifasiz) o‘qituvchining bazaviy tarif stavkasi qo‘llaniladi.
Stajyor-o‘qituvchi bilan Mehnat kodeksining 104-moddasida muvofiq, mehnat shartnomasiga kiritilishi shart bo‘lgan holatlar, jumladan bir yil davomida kasbiy sertifikat olishi majburiyati ko‘rsatilgan holda mehnat shartnomasi tuziladi.
Farmonga ko‘ra, Maktabgacha va maktab ta’limi vazirligiga 2023 yil 1 noyabrga qadar umumiy o‘rta ta’lim muassasalarida faoliyat yuritadigan pedagog kadrlarni kasbiy sertifikatlash sinovidan o‘tkazish tartibini belgilovchi hukumat qarori loyihasini Vazirlar Mahkamasiga kiritish hamda 2024 yil 1 yanvardan boshlab tizimni amaliyotga joriy etish topshirilgan.
Mavzuga oid
20:37 / 11.10.2024
Toshkentda mushukka beshafqatlik qilgan o‘qituvchi ishdan bo‘shadi
15:44 / 11.10.2024
Toshkentda o‘quvchilar ko‘z o‘ngida mushukni derazadan tashlab yuborgan o‘qituvchi jarimaga tortildi
19:45 / 09.10.2024
O‘qituvchilarning paxta terimiga jalb etilishi noqonuniy - MMTV
16:43 / 07.10.2024