O‘zbekiston madrasalariga kirish uchun test sinovlari sanasi e’lon qilindi 

O‘zbekiston musulmonlari idorasi tasarrufidagi o‘rta maxsus islom ta’lim muassasalariga o‘qishga qabul qilish bo‘yicha test sinovlari 2023 yil 17 avgust kuni o‘tkaziladi. 

Barcha test sinovlari 1 smenada bo‘lib o‘tadi va soat 9:00 da boshlanadi.  

Talabgorlar test sinovi o‘tkaziladigan hududga shaxsini tasdiqlovchi hujjat va test sinovida ishtirok etish uchun ruxsatnoma bilan soat 8:00 dan kechikmagan holda kelishi lozim. 

Abituriyentlar quyidagi bino va manzilda imtihon topshiradi:  

- «Muhammad ibn Ahmad al-Beruniy»: Nukus olimpiya va paralimpiya sport turlariga tayyorlash markazi. Manzil: Nukus shahri Chimboy guzari ko‘chasi 121/1-uy;  

- «Faxriddin ar-Roziy»: Bilim va malakalarni baholash agentligining Xorazm viloyatidagi binosi. Manzil: Urganch tumani, Yuqorido‘rmon qishlog‘i, Yuqoriovul mahallasi;  

- «Xadichai Kubro»: «O‘zekspomarkaz» milliy ko‘rgazmalar majmuasi. Manzil: Toshkent shahri Amir Temur ko‘chasi 107-uy; 

- Mir Arab: Bilim va malakalarni baholash agentligining Buxoro viloyatidagi binosi. Manzil: Buxoro tumani, Bog‘idasht mahallasi; 

- «Hidoya»: Bilim va malakalarni baholash agentligining Namangan viloyatidagi binosi. Manzil: Davlatobod tumani, Yuksalish mahallasi, Yoshlik ko‘chasi;  

- «Sayyid Muhyiddin maxdum»: Andijon olimpiya va paralimpiya sport turlariga tayyorlash markazi maneji, 1-bino. Manzil: Andijon shahri Mustaqillik ko‘chasi 1-uy; 

- «Xoja Buxoriy»: Qarshi olimpiya va paralimpiya sport turlariga tayyorlash markazi maneji. Manzil: Qarshi shahri Mustaqillik shohko‘chasi 13-uy;  

- «Jo‘ybori Kalon»: «Yoshlik» sport majmuasi basketbol zali. Manzil: Buxoro shahri, Piridastgir ko‘chasi 9/1-uy; Semurg‘ sport majmuasi. Buxoro shahri, Piridastgir ko‘chasi 9/3-uy  

- «Ko‘kaldosh»: «O‘zekspomarkaz» milliy ko‘rgazmalar majmuasi (4-pavilon). Manzil: Toshkent shahri, Amir Temur ko‘chasi 107-uy; 

- «Imom Termiziy»: Sportning o‘yin turlari va yengil atletikaga ixtisoslashtirilgan bolalar va o‘smirlar sport maktabi. Manzil: Termiz shahri A.Navoiy ko‘chasi 43-B uy.