O‘zbekistonning Dubaydagi Bosh konsulxonasi xayriya tadbirini o‘tkazdi

O‘zbekistonning Birlashgan Arab Amirliklaridagi Bosh konsulxonasi tashabbusi bilan bir guruh faol vatandoshlar ko‘magida xayriya tadbiri tashkil etildi.

Tadbir davomida Sharja va Ras al-Xayma shaharlarida istiqomat qilayotgan va ijtimoiy ko‘makka muhtoj yurtdoshlar va ko‘p bolali oilalar holidan xabar olindi. Ularga oziq-ovqat, bolalar uchun o‘yinchoqlar va boshqa mahsulotlar berildi.

Tadbir davomida «Xorijda vaqtincha mehnat faoliyatini amalga oshirayotgan O‘zbekiston Respublikasi fuqarolarini va ularning oila a’zolarini qo‘llab-quvvatlash bo‘yicha qo‘shimcha chora-tadbirlar to‘g‘risida»gi prezident qarorining mazmun-mohiyati va ahamiyati odamlarga tushuntirilgani aytilmoqda.

Bundan tashqari, O‘zbekiston xorijiy mamlakatlarda vaqtincha ishlayotgan va ta’lim olayotgan fuqarolarning haq-huquqlari himoyasini ta’minlashi qayd etildi.