Qoʻshimcha funksionallar
-
Tungi ko‘rinish
Toshkent viloyatida 3 ta yuk mashinasi ishtirokida YTH ro‘y berdi
Angrenda Shacman yuk mashinasi Cobalt avtomobili hamda Volkswagen, Man yuk mashinalari bilan to‘qnashuv sodir etdi. YTH oqibatida ikki haydovchi va bir yo‘lovchi shifoxonaga yotqizilgan.
Foto: Toshkent viloyati YHXB
27 avgust kuni soat 03:30 atrofida Toshkent viloyati Angren shahrida yuk mashinalari ishtirokida yo‘l-transport hodisasi sodir bo‘ldi. Bu haqda viloyat Yo‘l harakati xavfsizligi boshqarmasi matbuot xizmati xabar bermoqda.
Shahar hududidan o‘tgan xalqaro ahamiyatdagi A-373 avtomobil yo‘lining 183-kilometrida Shacman rusumli yuk avtotransport haydovchisi o‘zi bilan bir yo‘nalishda oldinda harakatlanayotgan Cobalt va Volkswagen Crafter rusumli yuk avtomashinalari bilan to‘qnashgan.
Shundan so‘ng Shacman yo‘l chetida harakatsiz turgan Man rusumli yuk avtomobiliga urilib to‘xtagan.
YTH oqibatida 2 nafar haydovchi va bir nafar yo‘lovchi tan jarohati olib, shahar markaziy shifoxonasiga yotqizilgan.
Holat yuzasidan Angren shahar IIB tomonidan tergovga qadar surishtiruv ishlari olib borilmoqda.
Mavzuga oid
19:07 / 12.11.2024
FVV avtomobili vazirlik binosiga kirishda qo‘pol qoidabuzarlik qildi
17:41 / 12.11.2024
Toshkentda yo‘lovchi tashuvchi avtobus boshqaruvni yo‘qotib YTH sodir etdi
23:06 / 11.11.2024
Toshkentda «garmoshka» avtobus bilan to‘qnashgan Lacetti haydovchisi jarohat oldi
21:11 / 11.11.2024