G20 sammiti oldidan Hindistonda tozalash: maymunlar Nyu-Dehli markazidan quvilmoqda
Hindiston hukumati Nyu-Dehlida o‘tadigan G20 sammitiga jiddiy tayyorgarlik ko‘rmoqda. Shaharda xavfsizlik qoidalari kuchaytirilgan.
9–10 sentabr kunlari Hindiston poytaxti Nyu-Dehlida G20 («Katta yigirmatalik») sammitiga katta tayyorgarlik ko‘rilmoqda, deb yozmoqda Bloomberg.
Dunyoning yetakchi davlatlari rahbarlarining uchrashuvi uchun Nyu-Dehlida qator cheklovlar joriy etilmoqda. Sammit vaqtida poytaxt deyarli izolyatsiyaga olinadi, deb yozadi agentlik. Xususan, maktablar, banklar, xususiy korxonalar, shuningdek, barcha davlat idoralari yopiladi. Hukumat binolari hududida transport harakati ham cheklanadi.
Nyu-Dehlining qo‘shni shtatlar bilan chegarasi ham yopiladi. Patrullar faoliyati kuchaytirilgan rejimda olib boriladi.
Bundan tashqari, shahar markazida sammit o‘tadigan hududga o‘tib ketmasligi uchun maymunlarni haydash choralari ham ko‘rilmoqda.
Davlat idoralariga yaqin hududlarda yashab, ko‘cha-ko‘yda paydo bo‘ladigan, yo‘lovchilardan oziq-ovqat o‘g‘irlaydigan minglab maymunlarni qo‘rqitib, uzoqroqqa haydash choralari ishlab chiqilgan. Buning uchun maymunning boshqa bir turi — qora yuzli langurlarning haqiqiyga o‘xshash figuralardan foydalaniladi.
Shuningdek, sammit vaqtida havo sharlari va paraplanlar uchirilishiga ham taqiq joriy etilgan.
Qayd etilishicha, dunyo yetakchilari xavfsizligini ta’minlash uchun ko‘chalarda 100 mingdan ortiq politsiya xodimlari va boshqa xavfsizlik idoralari ishchilari xizmat faoliyatini olib boradi.
Mavzuga oid
17:32
Rossiya armiyasiga aldov yo‘li bilan jalb qilingan va urushga yuborilgan o‘nlab hindistonliklar vataniga qaytdi
22:24 / 19.09.2024
Samsung’ning Hindistondagi zavodi xodimlari ish tashlash e’lon qildi
01:33 / 14.09.2024
Rossiya Modining talabidan keyin 45 nafar Hindiston fuqarosini armiya safidan bo‘shatdi
15:43 / 12.09.2024