Buxoroda kanal muhofaza zonasidagi 125 tup daraxt kesib tashlandi
Tabiatga yetkazilgan zarar 1,7 mlrd so‘mni tashkil qilmoqda. Holat yuzasidan jinoyat ishi qo‘zg‘atilgan.
Peshku tumanida kanal bo‘yida o‘sib turgan 125 tup daraxt kesib tashlangani aniqlandi. Bu haqda Bosh prokuratura axborot xizmati xabar berdi.
Ma’lum qilinishicha, tumanning Mustaqillik, Chig‘irchi, Yangibozor, Sadir va Malishoyak mahallalari hududidan oqib o‘tuvchi “Zandani” kanalining muhofaza zonasida 125 tup daraxt kesilgan. Daraxtlarning 23 tupi qimmatli, 102 tupi esa qimmatbaho bo‘lgan.
Dastlabki xulosaga ko‘ra, hududda daraxtlar kesilishi oqibatida tabiatga 1,7 mlrd so‘mdan ortiq miqdordagi zarar yetkazilgan.
Holat yuzasidan Buxoro viloyati prokuraturasi tomonidan jinoyat ishi qo‘zg‘atilib, dastlabki tergov harakatlari o‘tkazish uchun ichki ishlar organlariga yuborilgan. Jinoyat ishi tergovi ustidan prokuror nazorati o‘rnatilgan.
Oldinroq Toshkentda quruvchi 10 tup daraxtni qasddan quritgani aniqlangandi.
Mavzuga oid
18:43 / 12.10.2024
O‘zbekistonning ko‘p asrlik daraxtlari maxsus xalqaro ro‘yxatga kiritildi
19:01 / 11.10.2024
Moratoriy davrida Toshkentda 800 tup mevali va manzarali daraxt nobud qilindi. Nega?
15:22 / 02.10.2024
Uchtepada 20ga yaqin ko‘p yillik daraxtlarga zaharli modda quyilgan. Aholi aybdor topilishini xohlaydi
17:54 / 27.09.2024