Saudiya Arabistonida ikki harbiy davlatga xiyonatda ayblanib qatl etildi
Sud jarayonida ayblanuvchilar o‘z aybiga iqror bo‘ldi, hukm payshanba kuni Saudiya Arabistoni janubi-g‘arbida joylashgan Toif shahrida ijro etilgan.
Saudiya Arabistoni rasmiylari ikki nafar harbiy xizmatchini davlatga xiyonatda ayblab qatl qildi, deb xabar bermoqda Saudiya axborot agentligi.
Ma’lumotlarga ko‘ra, Saudiya Arabistoni harbiy-havo kuchlari podpolkovnigi Majyed bin Musa Avad al-Balaviy va katta serjant Yusuf bin Rida Hasan al-Azuniy 2017 yilda hibsga olinib, o‘lim jazosiga hukm qilingan. Sud har ikki harbiy xizmatchi ham davlatga xiyonat qilish, buyruqni bajarmaslik va «millat manfaatlarini himoya qilishdan bosh tortish»da aybdor degan xulosaga keldi.
Sud jarayonida ayblanuvchilar o‘z aybiga iqror bo‘ldi. Podshohlik farmoniga muvofiq, hukm payshanba kuni Saudiya Arabistoni janubi-g‘arbida joylashgan Toif shahrida ijro etilgan.
2021 yil aprel oyida Saudiya Arabistoni rasmiylari uch nafar harbiy xizmatchini vatanga xiyonat va «dushman bilan hamkorlik» uchun qatl etgandi.
Mavzuga oid
15:56 / 08.10.2024
Tug‘uruqxonalardagi o‘limni qanday kamaytirish mumkin? – Saudiyada ishlayotgan o‘zbek shifokori bilan suhbat
14:30 / 01.10.2024
O‘zbekiston bosh vaziri o‘rinbosari Saudiya investitsiyalar vaziri bilan muzokara o‘tkazdi
19:43 / 29.09.2024
Saudiya Arabistonida 2024 yilda qancha inson qatl etilgani ma’lum bo‘ldi
12:40 / 27.09.2024