Shveytsariya va NATO o‘zaro hamkorlik deklaratsiyasini imzoladi

Dastur hamkorlik vazifalarini belgilaydi va siyosiy muloqotni davom ettirish kabi umumiy maqsadlarni shakllantiradi.

Foto: Reuters

Shveytsariya hukumatining xavfsizlik siyosatini kuchaytirishga qaratilgan qarorlari fonida Shveytsariya va Shimoliy Atlantika alyansi «Tinchlik yo‘lida hamkorlik» dasturi doirasida 2023-2024 yillarga mo‘ljallangan o‘zaro hamkorlik maqsadlari to‘g‘risidagi hujjatni imzoladi.

Bu haqda payshanba kuni Shveytsariya Federal kengashi ma’lum qildi.

Tomonlar Shveytsariya 1996 yildan buyon a’zo bo‘lgan «Tinchlik yo‘lida hamkorlik» dasturi doirasida 2023-2024 yillarga mo‘ljallangan, majburiy bo‘lmagan individual hamkorlik dasturiga kirishdi.

Dastur hamkorlikning maqsadlarini belgilaydi va siyosiy muloqotni davom ettirish, xususan, yangi texnologiyalar va innovatsiyalar, barqarorlik, ayollar masalasi, tinchlik va xavfsizlik, qurolsizlanish, yadroviy qurollarni tarqatmaslik, kibermudofaa va boshqa sohalarda hamkorlikni rivojlantirish kabi umumiy maqsadlarni belgilaydi.

NATO-Shveytsariya hamkorligi dasturining aksariyat maqsadlari, masalan, havo kuchlari va aloqa tizimlari o‘rtasidagi o‘zaro muvofiqlikni oshirishga qaratilgan.

«Shuningdek, Shveytsariyaning NATO tajriba markazlaridagi ishtirokini oshirish va NATO obektlariga shtab ofitserlarini tayinlash rejalashtirilmoqda», deyiladi Shveytsariya Federal kengashi bayonotida.