Keniyalik Kiptum marafonda yangi jahon rekordini o‘rnatdi
Kelvin Kiptum Chikago marafonini 2 soat-u 35 soniyada yakunladi. Avvalgi rekord Berlinda boshqa bir keniyalik Eliud Kipchoge tomonidan o‘rnatilgan edi.
Keniyalik sportchi Kelvin Kiptum marafon bo‘yicha yangi jahon rekordini o‘rnatdi. 8 oktyabr, yakshanba kuni Chikagodagi musobaqada 23 yoshli keniyalik 42 kilometr-u 195 metr masofani 2 soat-u 35 soniyada chopib o‘tdi.
Avvalgi jahon rekordi Kiptumning hamyurti Eliud Kipchoge tomonidan 2022 yilgi Berlin marafonida o‘rnatilgan edi. U masofani 2 soat 1 daqiqa 9 soniyada chopib o‘tgan. 2019 yilning kuzida Kipchoge Venadagi poygani 1 soat, 59 daqiqa, 40,2 soniyada yakunlab, ikki soat ichida natijaga erishgan birinchi marafonchi bo‘ldi. Biroq, u musobaqa maxsus yaratilgan ideal sharoitda bo‘lib o‘tgan va rasmiy rekord hisoblanmaydi.
Ayollar marafonida jahon rekordi efiopiyalik sportchiga tegishli. Sentyabr oyida Tigist Assefa Berlin marafonini 2 soat 11 daqiqa 53 soniyada yakunladi.
Mavzuga oid
23:49 / 10.08.2024
Parijda eng sovrindor marafonchilardan biri marraga yetib kela olmadi. U Olimpiada o‘yinlarida boshqa ishtirok etmaydi
10:27 / 15.06.2024
Rossiyada «Sen yolg‘iz emassan» marafonining sayti bloklandi
11:34 / 27.05.2024
Toshkentda nogironligi bo‘lgan bolalar ishtirokida marafon bo‘lib o‘tdi
07:40 / 25.05.2024