Shavkat Mirziyoyevning Xitoyga tashrifi yakunlandi
O‘zbekiston prezidenti Toshkentga qaytdi.
Shavkat Mirziyoyevning Pekin shahriga amaliy tashrifi yakunlandi. Tashrif chog‘ida davlat rahbari Xitoy raisi Si Jinping va Viyetnam prezidenti Vo Van Txiong bilan muzokara o‘tkazdi.
Xitoy Xalq siyosiy maslahat kengashi raisi, «Ameri International», «CAMCE», «China Energy», «State Grid» korporatsiyalari rahbarlari bilan uchrashuvlar bo‘lib o‘tdi.
O‘zbekiston prezidenti rafiqasi bilan birga «Bir makon, bir yo‘l» uchinchi xalqaro forumiga kelgan delegatsiyalar rahbarlarini tantanali kutib olish marosimida ishtirok etdi.
Yubiley forumning ochilishida qatnashib, davlat rahbari «yashil taraqqiyot» masalalariga bag‘ishlangan yalpi sessiyada nutq so‘zladi, Xitoy hamda «Makon va yo‘l» tashabbusining boshqa ishtirokchilari bilan o‘zaro manfaatli hamkorlikni yanada mustahkamlash bo‘yicha fikrlari bilan o‘rtoqlashdi.
Tashrif doirasidagi tadbirlar yakunlangach, prezident Toshkentga jo‘nab ketdi. «Shoudu» xalqaro aeroportida oliy martabali mehmonni XXR favqulodda vaziyatlar vaziri Van Syansi va boshqa rasmiy shaxslar kuzatib qo‘ydi.
Mavzuga oid
20:44 / 11.10.2024
Xitoyning changyutgich-robotlari to‘satdan o‘z egalarini quvib, so‘kinishni boshladi
17:18 / 11.10.2024
Xitoy Markaziy banki raisining sobiq o‘rinbosari pora olgani uchun o‘limga hukm qilindi
10:30 / 09.10.2024
Xitoylik olimlar Mars atmosferasidan energiya ishlab chiqaradigan batareyani yaratdi
20:47 / 08.10.2024