NATO qo‘shinlarning erkin harakatlanishi uchun «harbiy Shengen» yaratmoqchi
Harbiy alyans urush boshlanganida qo‘shinlarning tezroq harakatlanishi imkoniyatiga ega bo‘lmoqchi.
NATO o‘z qo‘shinlarining erkin harakatlanishi mumkin bo‘lgan Shengen zonasiga o‘xshash makonni yaratish rejasini yoqladi. Bu haqda NATO Logistika qo‘shma qo‘mondonligi rahbari Aleksandr Zolfrank Reuters agentligiga bergan intervyusida aytdi.
Uning qayd etishicha, NATO Rossiya bilan ehtimoliy ziddiyatga tayyor bo‘lishi kerak, biroq hozircha qo‘shinlarning Yevropa bo‘ylab harakatlanishi qiyin, bu esa sezilarli muammolarni keltirib chiqaradi. «Vaqtimiz oz. Tinchlik davrida biz tugatmagan ish inqiroz yoki urush davrida ham tayyor bo‘lmaydi», dedi harbiy.
Zolfrank NATO hududi juda katta ekanini, bu esa ziddiyat sharoitida qo‘shinlar va ta’minotning tez harakatlanishiga to‘sqinlik qilishi mumkinligini ta’kidladi.
NATO harbiy qo‘mitasi rahbari admiral Rob Bauer ham uning fikriga qo‘shildi. «Bizda nazorat haddan tashqari ko‘p, ammo bizga yetishmayotgan yagona narsa - vaqt», dedi u.
Ukrainada urush boshlanganidan so‘ng, Shvetsiya va Finlyandiya NATO a’zosi bo‘lish uchun ariza berdi. 2023 yil aprel oyida Finlyandiya rasman alyansga qo‘shildi. Biroq, Shvetsiyaning a’zo bo‘lishi kechikmoqda.
Mavzuga oid
10:10
NATO Yevropada yillik yadroviy mashg‘ulotlar boshlanishini e’lon qildi
22:05 / 05.10.2024
Shvetsiya o‘z harbiylarini Latviyaga yuboradi
22:02 / 05.10.2024
G‘arb va Ukraina urushni tugatish sxemasini muhokama qilmoqda - OAV
20:20 / 05.10.2024