Dahshatli YTH sodir qilgan Tahoe haydovchisiga nisbatan jinoiy ish qo‘zg‘atildi

Ma’lum bo‘lishicha, 2023 yil 14 dekabr kuni soat 13:00 atrofida Marg‘ilon shahar A.Yassaviy-Tinchlik ko‘chalari kesishgan chorrahasi avtomobil yo‘lida fuqaro M.Yu “Tahoe-2» avtomashinasi bilan o‘ziga nisbatan qarama-qarshi yo‘nalishga o‘tib, ushbu yo‘nalishda harakatlanib kelayotgan fuqaro S.T. boshqaruvidagi “Tico” avtomashinaga urilib, YTH sodir qilgan.

Natijada “Tico” haydovchisi S.T. tan jarohati olib, davolanish uchun shifoxonaga murojaat qilgan. Marg‘ilon shahar tibbiyot birlashmasi shifokorining bergan ma’lumotnomasiga ko‘ra, S.T. da og‘ir tan jarohati – bosh miya chayqalishi, bosh miya travmasi, chap oyoq sinishi va boshqa jarohatlari borligi aniqlangan. Tico yo‘lovchisi A.Q.da esa chap boldir suyagi yopiq singan.

Farg‘ona viloyati IIB axborot xizmatining Kun.uz'ga ma’lum qilishicha, holat yuzasidan M.Yu.ga nisbatan Marg‘ilon shahar IIB huzuridagi tergov bo‘limi tomonidan Jinoyat kodeksining 266-moddasi 1-qismi bilan jinoyat ishi qo‘zg‘atilib, dastlabki tergov harakatlari olib borilmoqda.