Navoiyda masjiddagi ehson qutilaridan qariyb 5 mln so‘m o‘g‘irlab ketildi
Olib borilgan tezkor surishtiruv tadbirlarida bu ishni 27 yoshli yigit qilgani aniqlanib, u qo‘lga olingan.
Karmana tumanida masjiddagi ehson qutilaridan pul o‘g‘irlagan yigit ushlandi. Bu haqda Navoiy viloyati IIB matbuot xizmati xabar berdi.
Ma’lum qilinishicha, o‘g‘irlikni Nurota tumanida yashovchi 27 yoshli yigit qilgan. U 2023 yil 9 dekabr kuni tunda Karmana tumani markazidagi Qosim-Shayx masjidiga panjara osha kirib, u yerdagi 5 dona ehson qutisini buzib ochgan hamda ichidagi pullarni olib ketgan.
Yigitdan ehson qutilaridan o‘g‘irlangan 4 mln 669 ming so‘m pullar hamda daliliy ashyolar rasmiylashtirib olingan. O‘tkazilgan surishtiruv tadbirlari davomida yigit 2023 yilning 25 noyabridan 9 dekabrigacha Nurota va Karmana tumanlaridagi bir nechta masjidda ehson qutilaridan pullarni o‘g‘irlab kelgani ma’lum bo‘lgan.
Oldinroq Farg‘onada ham ehson qutilarini o‘g‘irlash bilan shug‘ullangan guruh ushlangandi.
Mavzuga oid
13:51 / 26.09.2024
Xorazmda ehson qutisidagi pullarni o‘g‘irlamoqchi bo‘lgan shaxs ushlandi
09:52 / 11.09.2024
Ayol kishining suratlarini internetga qo‘yib intim xizmatlar taklif qilgan shaxs ushlandi
15:13 / 09.09.2024
Navoiyda ikki o‘quvchining umriga zomin bo‘lgan haydovchi 5 yilga qamaldi
16:47 / 07.08.2024