Bishkekda harbiy vertolyot quladi

Qirg‘iziston poytaxti Bishkek shahrida harbiy vertolyot halokatga uchradi. Bu haqda huquq-tartibot idoralari xodimlariga tayanib Kaktus.media ma’lum qildi.

Foto: AKIpress

Ularning so‘zlariga ko‘ra, bugun, 17 yanvar kuni soat 11:00 lar atrofida Mi-8 harbiy vertolyoti «Frunze-1» hududidagi Do‘stuk mavzesi yaqinida qulagan.

Manbalarning dastlabki ma’lumotlariga ko‘ra, ro‘y bergan hodisa oqibatida bir kishi halok bo‘lgan, bortdagi yana yetti kishi jarohatlangan.

Voqea harbiy mashg‘ulotlar vaqtida sodir bo‘lgan.