Tibbiyot xodimlarini raqamli texnologiyalar bilan ta’minlash boshlanadi

Tibbiyot muassasalarini axborot-texnika vositalari bilan ta’minlash orqali moddiy-texnik bazani mustahkamlash rejalashtirilmoqda.

«Aholi salomatligi-2030» milliy strategiyasining 2024-2026 yillarga mo‘ljallangan amaliy tadbirlar rejasiga ko‘ra, tibbiyot xodimlarining raqamli texnologiyalar bilan ta’minlanganlik darajasini 100 foizga yetkazish mo‘ljallangan.

Tibbiyot muassasalarini:

• 2024 yilda 41 300 ta kompyuter jamlanmalari, 3500 ta noutbuk, 1800 ta planshetlar;
• 2025 yilda 28 100 ta kompyuter jamlanmalari, 3000 ta noutbuk, 5500 ta planshetlar;
• 2026 yilda 25 700 ta kompyuter jamlanmalari, 2500 ta noutbuk, 8000 ta planshetlar bilan ta’minlash uchun texnik talablar ishlab chiqiladi.

Tender tanlovlarini tashkil etish va shartnoma tuzish ko‘zda tutilmoqda.

Kompyuter texnologiyalarini joylarga yetkazish va tibbiyot xodimlarining raqamli texnologiyalar bilan ta’minlanganlik darajasini 65 foizga yetkazish mo‘ljallangan.