Britaniya O‘zbekistonga MICE-turizmini tashkil etishda yordam beradi

O‘zbekistonning Londondagi elchisi Ravshan Usmonov Britaniya xalqaro treyderlar gildiyasi (Worshipful Company of World Traders) raisi Maykl Larsen bilan uchrashuv o‘tkazdi.

Foto: Dunyo

"Dunyo" xabariga ko‘ra, muloqot chog‘ida Britaniya xalqaro treyderlar gildiyasi O‘zbekiston bilan hamkorlikni yo‘lga qo‘yishdan manfaatdor ekani tasdiqlandi.

Muzokaralar natijasida gildiya vakillari tomonidan O‘zbekistonga MICE-turizmini tashkil etish imkoniyatlarini o‘rganish, birgalikda biznes forumlar va davra suhbatlari o‘tkazish hamda ikki davlat treyderlari delegatsiyalari almashinuvini yo‘lga qo‘yish to‘g‘risida kelishib olindi.