17 ta turdagi xulosalar DXM va YaIDXP orqali beriladi

Vazirlar Mahkamasining “Xulosa berish bo‘yicha davlat xizmatlarini ko‘rsatish tizimini yanada takomillashtirish to‘g‘risida”gi qarori qabul qilindi.

Foto: Kun.uz

Hujjat bilan Jismoniy va yuridik shaxslarga xulosalar berish bo‘yicha davlat xizmatlarini ko‘rsatishning yagona ma’muriy reglamenti tasdiqlandi.

Shuningdek, 17 ta turdagi xulosalarni berish bo‘yicha pasportlar tasdiqlanmoqda, ular qatorida quyidagilar bor:

magistral gaz quvurlari, neft quvurlari va neft mahsulotlari quvurlarini qurish, ulardan foydalanish hamda ularni ta’mirlashda sanoat xavfsizligi talablariga muvofiqligi to‘g‘risida;
bino (inshoot) va xonalarning yong‘in xavfsizligi talablariga muvofiqligi to‘g‘risida;
dori vositalari va biologik faol qo‘shimchalarni teleradiokanallar orqali reklama qilish bo‘yicha va boshqalar.

2024 yil 1 maydan xulosalar davlat xizmatlari markazlari va YaIDXP orqali beriladi.

Taqdim etilgan xulosalar ro‘yxati “Lisenziya” axborot tizimida yuritiladi.