Qoʻshimcha funksionallar
-
Tungi ko‘rinish
Romitan hokimi yordamchisi sodir etgan YTHda maktab o‘quvchisi halok bo‘ldi
Tumanning Iftixor mahallasi bo‘yicha hokim yordamchisi Elyor Toshpo‘latov “Nexia-2” avtomobilida shu mahalladagi 7-sonli maktabning 3-sinf o‘quvchisini urib yuborgan. 10 yoshli bola voqea joyida vafot etgan.
Buxoro viloyati Romitan tumani hokimining “Iftixor” MFY bo‘yicha yordamchisi Elyor Toshpo‘latov o‘zining boshqaruvidagi “Nexia-2” avtomobilida sodir etgan yo‘l-transport hodisasida 10 yoshli bola vafot etdi, deb xabar bermoqda Kun.uz manbasi. Tuman hokimligi axborot xizmati rahbari ushbu hodisa haqiqatda yuz berganini tasdiqladi.
Mahalliy Telegram-kanallardan birida “haydovchi qoidalarni buzgan holda katta tezlikda harakatlangani” aytiladi.
Tuman hokimligi axborot xizmatining Kun.uz’ga ma’lum qilishicha, hokim yordamchisining xatti-harakatlari kadrlar bo‘limi tomonidan o‘rganilmoqda.
Bu hodisa haqida Buxoro viloyati IIB YHXB tomonidan rasmiy ma’lumot berilmagan.
Bu joriy haftada maktab o‘quvchisining yo‘l-transport hodisasida vafot etishi bilan bog‘liq ikkinchi hodisadir. 20 sentabr kuni Toshkent shahri Sergeli tumanida qoidalarni buzgan holda tez harakatlangan BYD elektromobili o‘quvchi qizni urib yuborishi tufayli 9 yoshli o‘quvchi qiz halok bo‘ldi.
Mavzuga oid
15:28 / 22.11.2024
Svetoforning qizil chirog‘ida harakatlangan Malibu piyodani urib yuborishiga oz qoldi
20:04 / 21.11.2024
Otasining yoniga ko‘milgan qizaloqlar: opa-singil mast “poygachi”ning qurboni bo‘ldi
11:28 / 21.11.2024
Farg‘onada sodir bo‘lgan YTHda voyaga yetmagan qiz halok bo‘ldi
16:02 / 20.11.2024