Qoʻshimcha funksionallar
-
Tungi ko‘rinish
Dunyodagi eng baxtli shaharlar reytingi e’lon qilindi
Reytingdan jami 250 ta shahar o‘rin olgan. Ular orasida Markaziy Osiyo shaharlari yo‘q.
Foto: Alamy
Londonda joylashgan Hayot sifati instituti 2024 yil uchun dunyodagi eng baxtli shaharlarning yangilangan reytingini taqdim etdi.
Shaharlardagi baxtlilik darajasi kerakli resurslarning mavjudligi, demografik xususiyatlar va ijtimoiy sharoitlar kabi ko‘plab omillarga bog‘liq, deyiladi tadqiqotda. Ushbu reytingdan jami 250 ta shahar o‘rin olgan. Baholash davomida shaharlar uch toifaga ajratildi: Oltin, kumush va bronza.
Birinchi toifaga Orhus (Daniya), Tsyurix (Shveytsariya), Berlin (Germaniya), Gothenburg (Shvetsiya) va Amsterdam (Niderlandiya) kabilar kiradi. Bu guruhda jami 37 ta shahar mavjud.
“Kumush” darajadagi baxtli shaharlar orasida Boston (AQSh), Odense (Daniya), Oslo (Norvegiya), Melburn (Avstraliya) va Monako bor.
Uchinchi toifadagi baxtli shaharlar qatoriga Linz (Avstriya), Asan (Janubiy Koreya), Dyusseldorf (Germaniya), Uppsala (Shvetsiya), Maastriht (Niderlandiya) va boshqalar kiritildi.
Reytingdagi shaharlarning xilma-xilligiga qaramay, Markaziy Osiyodan birorta shahar ro‘yxatga kiritilmagan.
Eslatib o‘tamiz, O‘zbekiston 121 mamlakatni o‘z ichiga olgan eng xavfsiz davlatlar reytingida birinchi o‘rinda qayd etilgandi.
Mavzuga oid
17:37 / 12.11.2024
O‘zbekiston taksi xizmati eng arzon davlatlar qatoriga kirdi
16:40 / 12.11.2024
O‘zbekiston sun’iy intellektga tayyorlik reytingida Markaziy Osiyoda so‘nggi o‘rinni egalladi
16:52 / 07.11.2024
O‘zbekistonning 23 ta oliygohi Osiyo universitetlari reytingiga kirdi
19:02 / 28.10.2024