Polsha O‘zbekiston telekommunikatsiya operatorlari bilan hamkorlikni yo‘lga qo‘yadi

O‘zbekiston elchixonasida Polshaning FCA kompaniyasi rahbari Matsey Sanotskiy bilan uchrashuv bo‘lib o‘tdi.

Foto: "Dunyo" AA

Unda FCA kompaniyasi va O‘zbekistondagi eng yirik telekommunikatsiya operatorlari, telekommunikatsiya tizimi integratorlari hamda kichik internet provayderlari o‘rtasida o‘zaro manfaatli hamkorlikni yo‘lga qo‘yish masalalari muhokama qilindi.

Yaqin muddatlar ichida kompaniya delegatsiyasining O‘zbekistonga tashrifini uyushtirish yuzasidan kelishuvga erishildi.

FCA tolali optika mahsulotlari ishlab chiqaruvchi yetakchi kompaniyalardan biri hisoblanadi. Bundan tashqari, kompaniya telekommunikatsiya, optik teletranslatsiya va tarmoq xavfsizligi bo‘yicha yechimlar uchun ixtisoslashtirilgan tizimlarni ham taklif etadi.